#Канвалія – тэрыторыя спасціжэння

Прыгажосць выратуе свет, а беларускія дзяўчаты, як згадваў Янка Купала, “найпрыгажэйшыя ў свеце”. 28 чэрвеня 2022 года ў лагеры “Канвалія” Канвелішскага НПК эксклюзіўным мерапрыемствам стаў конкурс “Міс Канвалія-2022”. Старшынёй журы конкурсу быў Руслан Канстанцінавіч Казлоўскі, дацэнт кафедры беларускай філалогіі Гродзенскага дзяржаўнага ўніверсітэта. Знаходлівасць, крэатыўнасць, талент прадэманстравалі ўдзельніцы конкурсу. У фінал выйшлі чатыры дзяўчыны: Дар’я Дзяшук і Настасся Магер, студэнткі ГрДУ імя Янкі Купалы, Паліна Станкевіч і Ксенія Сварабовіч, вучаніцы Канвелішскага НПК. На працягу ўсіх выпрабаванняў трымалася інтрыга. Рашэнне журы супала з меркаваннем гледачоў, прыз глядацкіх сімпатый і тытул “Міс Канвалія-2022” атрымала Дар’я Дзяшук. Ярка, арыгінальна мы крочым у лета!