Першы дзень ПЕДАГАГІЯДЫ

Навучэнцы профільных груп педагагічнай накіраванасці Канвелішскай сярэдняй школы (Сварабовіч Сандра, Міхалькевіч Максім, Станкевіч Паліна, Трахімчык Даніла, Ясюкайць Паліна) прымаюць удзел у ПЕДАГАГІЯДЗЕ, якая праходзіць у дзяржаўнай установе адукацыі “Гродзенскі абласны інстытут развіцця адукацыі”. 11 мая 2023 года, у першы дзень, адбыўся фестываль “Педагог — маё прызванне”. Будучых педагогаў павітаў начальнік Галоўнага ўпраўлення Гродзенскага абласнога выканаўчага камітэта Руслан Юр’евіч Абрамчык. Навучэнцы з задавальненнем паўдзельнічалі ў педагагічнай каруселі на творчых пляцоўках чатырох навучальных устаноў – Беларускага дзяржаўнага педагагічнага ўніверсітэта імя Максіма Танка, Гродзенскага дзяржаўнага ўніверсітэта імя Янкі Купалы, Баранавіцкага дзяржаўнага ўніверсітэта, Палескага дзяржаўнага ўніверсітэта.  Вельмі спадабалася вучням праграма студэнцкага інтэрактыву, дзе можна было не толькі даведацца пра спецыфіку будучай прафесіі, але і праявіць свае творчыя здольнасца. А вечарам удзельнікаў чакае экскурсія па горадзе Гродна.