Даніла Трахімчык — фіналіст VІІ Міжнароднага моладзевага фестывалю-конкурсу паэзіі і паэтычных перакладаў “Берагі дружбы”

“Паэзія – душа чалавецтва”, — згадваюцца словы У.Шэкспіра. У тым, што паэзія жывіць чалавека і дае крылы, перакананы Трахімчык Даніла, вучань ужо 11 класа Канвелішскага НПК. Даніла ў чарговы раз даказаў, што валодае не проста паэтычным дарам, але і ўменнем перакладчыка. Юнак стаў фіналістам VІІ Міжнароднага моладзевага фестывалю-конкурсу паэзіі і паэтычных перакладаў “Берагі дружбы”. Каб дайсці да фіналу, неабходна было прайсці два туры: 1) падаць на разгляд журы 10 сваіх вершаў; 2) перакласці на беларускую мову 10 вершаў пяці паэтаў (у гэтым годзе Данілу дасталіся вершы калмыцкіх паэтаў). Аргкамітэт конкурсу запрасіў Трахімчыка Данілу і яго настаўніка Якжык Н.В. у сяло Пакроўскае Няклінаўскага раёна Растоўскай вобласці на Міжнародны фестываль нацыянальных культур “Берагі дружбы” 27.07. – 30.07.2022 года.