Наш педагог — аўтар новага дапаможніка

Віншуем! Сянканец Валянціна Францаўна настаўніца ДУА “Доцішкая сярэдняя школа” стала аўтарам новага вучэбнага дапаможніка прадназначанага для падтрымліваючых заняткаў па беларускай мове ў 3 класе. Складзены ён у адпаведнасці з вучэбнай праграмай. У пачатку кожнага раздзела вучням прапаноўваецца памятка з правіламі, а затым шэраг заданняў, з дапамогай якіх можна ў поўным аб’ёме паўтарыць і замацаваць вывучаны на ўроках матэрыял. У канцы кожнага раздзела ёсць магчымасць зрабіць самаацэнку работы.

Акрамя таго, некаторыя заданні распрацаваны на аснове твораў з падручніка “Літаратурнае чытанне 3 клас”, што дазволіць вучням яшчэ раз сустрэцца з любімымі літаратурнымі героямі і ўдасканаліць чытацкія ўменні.