Цікава і з карысцю

З 22 студзеня па 27студзеня ў Доцішскай сярэдняй школе прайшоў тыдзень пачатковых класаў.

Штогод з вялікім задавальненнем удзельнічаюць нашы дзеці ў мерапрыемствах у рамках тыдня пачатковых класаў. На пазакласных занятках педагогамі былі выкарыстаны розныя формы работы: віктарыны, гульні, конкурсы і г. д. Такія мерапрыемствы ў пачатковай школе —  гэта свята даўжынёю ў цэлы тыдзень. Яшчэ напярэдадні  навучэнцы  пазнаёміліся з планам работы на цэлы тыдзень.

Былі арганізаваны выставы творчых праектаў “На што падобна літара?”, “На што падобна лічба?”, “Мая любімая казка”, “Мая любімая Беларусь”. Конкурсы малюнкаў выклікалі у дзяцей вялікую цікавасць: удзел у іх узялі амаль усе вучні.

У вясёлай сяброўскай атмасферы праходзілі інтэрактыўная гульні, віктарыны,  “Матэматычны рынг”. Актыўнасць, кемлівасць, эрудыцыю дзеці праяўлялі пры правядзенні гэтых цікавых мерапрыемстваў.

Цікава прайшло свята паэзіі. Навучэнцы праявілі сцэнічны талент, чытаючы любімыя вершы  беларускіх паэтаў. Журы абрала самых лепшых чытальнікаў.

Вучні, якія ўзялі найбольш актыўны ўдзел у тыдні пачатковых класаў, праявілі сябе ў конкурсах, былі ўзнагароджаны граматамі і дыпломамі. Тыдзень атрымаўся вельмі насычаным і займальным.

Спадзяёмся, у вучняў зменіцца стаўленне да вучобы, з’явіцца зацікаўленасць у пазнанні новага, узмоцніцца цікавасць да працэсу навучання. Тыдзень пачатковых класаў дазволіў дзецям раскрыць творчы патэнцыял, даў вялікі эмацыянальны зарад.