![](https://vroosit.by/wp-content/uploads/2023/11/5408934379696280875_121-1140x1140.jpg)
Этнакультурны праект “Марафон народных святаў” Восеньскае абрадавае свята “Дажынкі”
У дзяржаўнай установе адукацыі “Жырмунская сярэдняя школа” другі год працягваецца рэалізацыя этнакультурнага праекта «Марафон народных святаў».
На працягу тыдня адбывалася падрыхтоўка да святкавання «Дажынак” — свята ўраджаю. Навучэнцы і выхаванцы даведаліся пра гісторыю ўзнікнення гэтага свята. Дзеці з цікавасцю знаёміліся з беларускімі народнымі гульнямі, з задавальненнем развучвалі песні на беларускай мове, з радасцю вучыліся танцаваць народныя танцы. Класныя кіраўнікі і выхавальнікі дашкольнай адукацыі пастараліся стварыць адпаведную насычаную сераду.
Кульмінацый тыдня стала фальклорна-музычнае свята «Дажынкі», якое атрымалася надзвычай вясёлым, цікавым і адметным. На працягу ўсяго свята ў зале існавала цёплая, прыемная атмасфера. Ўсюды гучаў смех, музыка, жарты. Прыемны водар садавіны і агародніны, свежавыпечанага хлеба казытаў ноздры, падымаючы настрой ўсім ўдзельнікам і гледачам.
Кульмінацыяй мерапрыемства стаў вынас каравая – сімвала багатага ўраджаю.
Гэтае свята дазволіла ў незвычайнай форме пазнаёміць навучэнцаў, выхаванцаў і іх бацькоў з яшчэ адной старонкай беларускай культурнай спадчыны.
![](https://vroosit.by/wp-content/uploads/2023/11/IMG-b841ef7facc9f80f1a96fabde9c906e8-V-75x75.jpg)
![](https://vroosit.by/wp-content/uploads/2023/11/форум-7-75x75.png)